إيوه بحبك ولسه هاحبك تانى كمان

إيوه بحبك
ولسه هاحبك تانى كمان
هاسكن قلبك
غيره ماليش فى الدنيا مكان
لازم أقولك
بيدفينى حبك ليا لو بردان
وبيسقينى من الحنيه لو عطشان
ياللى نسيت وياكى فى ثانيه
كل الدنيا
.....والاحزان
ياللى عيونك بحر كبير
ياللى جمالك سما
انا طير
طير بيحبك
إيوه بحبك
قبل ماشوفك ولا أقابلك أنا مشتاقلك
مع دقات قلبى المحتاجلك
بندم عالايام من قبلك
أنا مشتاقلك ياله تعالى
نركب موج الحب العالى
ويودينا لعالم فاضى
ولا بيعرف بكره ولا ماضى
نعرف بس ازاى نتلاقى
وتجمعنا قلوبنا المشتاقه
مانا مشتاقلك
قصدى بحبك
ايوه بحبك
هفضل أحبك تاني كمان

عارفه بحبك جامد ليه ؟
إنتي  حبيبتى ونور لعنيَّا

إنتي همسة لروحى
جتني بفْرح
أنتي نبضة ف قلبى
حتى ولوْ بتجرح
إنتي كل حاجة
ليَّا ف دنيتي
وكل شوق جوايا
نوَّر سكِّتي
عرفتي بحبك جامد ليه ؟
لإنك  حبيبتى ونور لعنيَّا

إنتي كلمة حب
صحِّيت بيها شوقي
لما تيجى بحبك

وتضلِّل شروقي
لمسة منك طبطبة
على قلبي وعروقي
عرفتي بحبك جامد ليه ؟
لإنك  حبيبتى ونور لعنيَّا

إنتي كل الطيبة
وإنت كل حناني
كإن كـــل الدنيا
إتوجدت عشاني
وأما أشوف بسمتك
عينيك مدوِّباني
عرفتي بحبك جامد ليه ؟
لإنك  حبيبتى ونور لعنيَّا

إنتي كل الدنيا
وإنتي كل المُنَى
يا حبيبة أيامى
وحبيبتى أنا
لو غبت عني ثانية
ألاقيها سنة
ولو فضلت عمري
جنبك مش هاتكفِّى
عرفتي بحبك جامد ليه ؟
لإنك  حبيبتى ونور لعنيَّا

إيوه بحبك
ولسه هاحبك تانى كمان

لأنك إنتي قمر للزمــــان

وحورية من حور الجنان

برجاء الضغط ع الصور

تابع القراءة