يوم غبتي عن عيني
أنا شفت الزهر مايل
وظنيته يناديني
قطفته ..
بس يوم ماضميته ..
لقيته للأسف دبلان
آمنت إنك زهر العمر
آمنت إنك البستان
وغيرك مُر مايروي ..
سرابٍ ما يروي العطشان
انا لو ماحصل ماكان
وأنا إيه اللي يدرّيني
بإنك ماسواك إنتي ..
سكنتى القلب والوجدان
فهمست بصوتي الهادي
بهمسة صدق ناديتك
.....لكن..!!
من شديد الشوق ليكي
كل الناس سمعوني..
إلا أنتي يا حبيبة القلب
يا أحلى مواويلي
سرحت بفكري العاثر
أدور جمله أرسلها..
طلع كل الحكي واقف
على كلمة
~¤ وحشتيني ¤~
وحشتيني..
وجيت مشتاق وحشتيني ..
لا جاي صياد ولا فارس
ولا حتى ملاك حارس
دا أنا جايلك مطر بينادي لرحابك
يا إما أفضل على سحابك
يا تشتيني
وحشتيني ..
وحيرني البعاد والقرب
وأثر فيا عطف الغُرب
وخلاني ألومك بس
في الصورة ... في البرواز
وأخاصمك بس بينا إزاز!
وتلمس إيدي ضهر الصورة
تلمس شعرك المتغطي بالبرواز
يموت قلبي من الإحساس
ورغم إن الحنين جارف
يوقفني العتاب في عنيكي
أنزل إيدي عن شعرك
وأقول آسف
وقلبي يقول كلام
من شوقه لعنيكي
يكفيكي .. ما يكفيني !
وأقول إيه بس
وإنتي وحشتيني
في جمالك .... وحشتيني
في دلالك .... وحشتيني
في بعادك .... وحشتيني
ولم رأيتك .... وحشتيني
يأجمل ما رأت عيني
وحشتيني..
وحبك جوة قلبي يزيد
وعمره ما قل
وليه قلبك وطن ثاير
يعاني لدى المحتل
تعالى إنسابي في دمي
وقلبي النونو جاي بجنونه
شيلي وكبّري وسمّي
ولو مرة تخليني أحسك
زي ورداية
عبيرها عدى سور القصر
غنى وفاح
هرتبلك في قلبي سرير
وهعملك ضلوعي إلواح
ولو بعدك عشان ظنك فمـتظنيش
يا عصفورة بزقزقتك
فتحتي في قلبي شباكه
ومن بعدك قفلت الشيش
مفيش غيرك....
وما أرضاش أشوف غيرك
بحبك
حتى وإنتي بعيدة مش دارية
بحبك
وإنتي جنبي ودمعتك جارية
بحبك
حتى لو تشكيني لو تنسيني
أحبك
حتى لو بايعاني مش شارية!
يا أغلى م السفر بالزاد
أموت لو مرة حبك قل
وأموووت لومرة حبك زاد
يا تاعبة القلب بالترحال ..
بلاش يبقى الكلام دايما ..
سؤال ع الصحة والأحوال
أنا كويس
مادمتي في قلبي ومعايا
أنا كويس
ومركب قلبي ماشية بخير
مادمتي المينا والريس
ياريت ترضي ........
مركب قلبي تلمس شط
وقلبي مهما إتشال ......
ومهما اتحط .....
هيرجع تاني يندهلك
دا أنا وطنك ,, وأنا أهلك
لا جاي صياد ولا فارس
ولا حتى ملاك حارس
دا أنا جايلك مطر ....
بينادي لرحابك
يا إما أفضل على سحابك
يا إما أفضل على سحابك
بلاش يا عمري تشتيني
بلاش ياعمري تشتيني
لأنك والله ضي العين
وقلب القلب وجفوني
ووحشتيني
