صفعتيني... وبتسأليني
ليه بحبك؟ هجوبك...
بس لو أقلك تصدقيني؟
لأنك قدري والبسمة
الوحيدة الي قدرت
قدامها تبكي عنيه
!بتسأليني ليه بحبك؟
لو أقلك حتفهميني؟
لأنك الوحيدة اليّ
شافت حُزني في بسمتي
وإبتسامتي في دمعتي
الوحيدة الي بعيدة
لكن مالكة دنيتي!!!
!بتسأليني ليه بحبك
لو أقلك تساعديني؟
لأنك طول ما إنت معايا
بكون أنا مش حد تاني
بكون بريء مليان أماني
وأحيان كتير بكون أناني
بس دايما بتحتويني
بحس إني دايما حبيبك
حتى يوم ما فكرت أسيبك
لقتني بدور عليكي
ما أنت عارفة مغرور
وطبعي حامي
بغضب في ثانية
وبثانية تانيه
بنسى
بنسى أول ما تنظري لي
!بتسأليني ليه بحبك
إيوه بحبك
بغروري.. وبشموخي.. وبعنادي..
اللي طوعته بيديك ..
بحبك
وبغرورك.. وبكثر جورك..
وبحنانك.. وبدفيء إحساسك..
وبأمانك..
بحبك
إيوه بحبك
لم شفتك أول مره عرفت
إن الهوى حده خطير ..
يقدر يغير في ملامحنا الكثير ..
يقدر في لحظه يجعل المهر الجموح
طير صغير ..
يرضى بحبات الحلوى ..
ويغفى على الكف الكبير ..
وكمان عرفت ..
إن العمر قبلك كذوب ..
وإن المشاعر قبل ماأعرفك ذنوب ..
إيوه بحبك 00
ووحدك حبيبتي ..
ياموانيء كلها حب ودفا ..
بس مرساها عسير ..
إيوه بحبك ..
وبوعدك ..
وقت ماتوقف أيامي معاكِ ..
بودعكِ .. وبحمل هواكِ ..
في روح ماحبت سواكِ ..
لأني بعدها هموت بس بغلاكِ
إيوه بحبك ..
وبظل أحبك ..
فوق ماأحبك
لأنك وحدك الحب الحقيقي ..
إيوه بحبك وحدك ..
ياحلمي الأخير ..
وأحبك وبكل حالاتك أريدك ..
بهدؤك .. بأنفعالك ..
وبجنونك .. مهتويك ..
بحبــــــــــــــــــــــــك
ونفسي أفتح في يوم عنيا
ألاقيكي جنبي ..... ببص ليكي
إيوه بحبك ..
لأن قلبي راحته في حضن قلبك
لأن أيامي بلا وجودك تموت
ولأن أحلامي بلا نورك تموت
ولأن من دونك يغطيني الحزن
ويسجن شعوري السكوت
إيوه بحبك ..
لأني بضيع إن كنت غايبة؟
ولأني أشوفك كل أهلي
وكل ناسي والحبايب
إيوه بحبك ..
لأني بشوف الدنيا ورديّة معاكِ؟
وأحب إني أكون
نجم بيضوي سماكِ
ولأني أشوف الوقت
ورده ذابلة لو غبتي يوم؟
ولأني أحسّك جنتي
والهنا بقربك يدوم
إيوه بحبك ..
لأني بحسك وردة نادرة؟
وردة أغلى من الجواهر
لأني بشوف الناس من بعدك سراب
وبشوف الحب من دونك سراب
لأني بحس إنه بيحييني حضورك
ويقتل أيامي الغياب
إيوه بحبك ..
لأني بحسك كل كلي؟
شمسي إنتي.. وإنتي ظلي
مالي من دونك مكان
وبس في عيونك محلّي
إيوه بحبك ..
ممكن أسأل
وممكن أعرف
ليه بعد ده كله بتسأليني؟
إياكي تاني تسأليني
ليه بحبك حتى في منامي
مش هقول لك .......
وفي حياتي .. تاني
مش هجوبك
عرفتي دلوقتي إجابة السؤال
الآن بسألك ليه صفعتيني .. وبكفك ضربتيني ؟
دانا كنت في حالي وفي منامي
وإنتي اللي جيتي
دانا عمري ما حولت ألمس إيديكي
عمري ما طلبت إبتسامة أو أماني
لا في يقظتي أبدا ولا في منامي
ولا فكرت أبدا أبدا إلا في رؤاكي
يبقى ليه في منامي ضربتيني؟
وعلى وجهي صفعتيني؟
ألم تعلمي أن يدك ثقيلة
وثقيلة جدا !!!!!!!!!!!!
هذا سؤالي ............
سؤال لابد له من إجابة
وإن إستمر هدير الصمت
يبقى على الدنيا السلام
وسلاما سلاما من حِشى قلبي
على من أحببــــــــــــــــت
لهــــــــــا مني الســـــــــلام
